XIVw

12.08.1308 Frombork.

In nomine Domini amen Nos Johannes dei gracia Episcopus Warmiensis, Scire volumus, vniueros ad quos presens scriptum peruenerit, Quod ob certas causas infrascriptas , de consensu venerabilis Capituli nostri, litteras super fundacione et locatione Ciuitatis nostre Heilsberg confectas, per Wilkonem scultetum ibidem nobis propter hoc traditas, et assignatas, destrui, et presentes fieri mandauimus, ad memoriam futurorum quarum tenor est.

In nomine Domini amen Ad perpetuam rei memoriam nouerint vniuersi, presentem paginam inspecturi, Quod Nos Eberhardus dei gracia Warmiensis Ecclesie Episcopus, nostri Capituli communi accedente consilio, et consensu, pro profectu et vtilis statu nostre Eccliesie, ut crescat, et per continua proficiat incrementa, cupientes salubriter prouidere, fidemque katholicam per locactionem fidelium ampliari, discreto viro Johannj de Colonia suisque heredibus, ac legittimis successoribus, Centum quadraginta Manos in Heilsberg, ex utraque parte fluuij Alne prout ipsos sibi mensurari fecimus, cum omni vtilitate et vsufructu, exceptis lucis terre, auro videlicet et argento, et quolibet metallo, pro Ciuitate ibidem facienda, Jure Culmensi perpetuo contulimus possidendos, Excipimus tamen ab hijs mansis Sex mansos, in dotem Ecclesie parochialis assignatos, necnon vnum pro fundo Ciuitatis, Curjis et Ortis et viginti Mansos pro pascuis Ciuitatis, Quos Mansos Incolis Ciuitatis omnino liberos conferimus et donamus, Habebit nihilominus idem Jo. ac sui legitimi successores, racione locacionis, de Centum, et Trdecim Mansis, decimum mansum omnino liberum, reddens censum de reliquis sub hac forma, Damns cnim Ciuitati et ipsius incolis, a festo Beau Martini per vnius annj decursum, a solucione census omnimodam libertatem, proxime nunc venturo, anno vero secundo completo, in eodem festo (medium) fertonem, In tercio in dicto termino vnum fertonem, Quarto similiter reuoluto, de quolibet Manso, in festo prenótato mediam marcam denariorum vsualium, (et sic deinceps singulis annis, census nomine nobis soluant, Sic quod huiusmodi census mediam marcam denariorum vsualium) quomodolibet non transcendat, Hoc adiecto, quod de qualibet area integra intra septa Ciuitatis pro Curijs deputata, in recognicionem dominij et Juris Culmensis sex Culmcnses denarios eciam annis singulis nobis soluent, Sane cum perutile sit modum locacionis lucidius explicare, Johanni locatori predicto suisque legittimis successoribus perpetuo conferimus Judicia minora, quatuor solidos non excedencia, et terciam (partem), maioris Judicij tam de Theutonicis quam Pruthenis, sic tamen, quod excessus et forefacta pruthenorum, nostre Ecclesie Aduocatus judicet, et nichilominus idem Jo. et sui lgittimi successores, tercium denarium inde tollant medietalemque nostri molendinj sub Castro siti, eciani si in alium locum transpositum fuerit, ita, ut tam ad presens, quam in posterum, in edificando, reedificando, emendando, et omnia que ad Molendinum spectant, per dimidium impendant, et omnem vsufructum per dimidium molendino percipiant de eodem. Et ut argumento rei pateat manifesto, quod nos predictam Ciuitatem Heilsberg, et incolas ipsius, omni prosequi volumus cum affectu, eidem Ciuitati forum liberum, in die Sabbati habendum Et de Maccellis Carnium, panis, pellificum, Sutorum, Institorum, Camerarum et omnium vtilitatum, quas inibi facere poterint, pro emendacione Ciuitatis terciam partem donamus, data secunda locatori, et nobis, et Ecclesie nostre terciam reseruamus Excepta duntaxat Stuba Balneari, quam Jo. ac suis heredibus libere concedimus, et donamus, Insuper concedimus quod Ciues Ciuitatis eiusdem tantum pro suis mensis in aqua Alna prout ipsorum limites, et granicie protenduntur, et in lacu, qui wlgariter Ridos dicitur, piscandi liberam habeant facultatem, Et ut hec nostra collacio ac locacio, pro vtilitate Ecclesie nostre warmiensis facta, firma et inuiolabilis perseueret, presenten super hoc literam conscribi, et nostro, ас nostri Sigillo Capituli fecimus roborari, Testes vero huius sunt dominj Heinricus prepositus Hermannus decanus, Heinricus Custos Bertholdus Scolasticus, Petrus in Redyno, Jordanus in Kirsburg, Jo. in Hollandia plebani Canonici Ecclesie Warmiensis, necnon dominj Jo. in Brunsberg, Petrus in frowemburg, Heynemannus in Heilsberg plebani, Otto de Russen Her. Scriptor, Theodericus venter Conradus de Borow Arnoldus de Nisa, Wilhelmus Scultetus in Wormedith, et alij quamplurimi fidedigni. Datum in Ecclesia nostra kathedrali Anno domini M°CCC viij°. secundo Idus Augusti Indiccione sexta.

<a href="http://books.google.de/books?id=KpkOAAAAYAAJ&pg=PA605&ci=53,914,921,615&source=bookclip"><img src="http://books.google.de/books?id=KpkOAAAAYAAJ&pg=PA605&img=1&zoom=3&hl=de&sig=yJ6eO9j8mZxgyAhgwWgQqEot77Q&ci=53,914,921,615&edge=1" border="0" alt="Kein Text"/></a>
<a href="http://books.google.de/books?id=KpkOAAAAYAAJ&pg=PA605&ci=53,914,921,615&source=bookclip"> Über dieses Buch Dieses Buch lesenCodex diplomaticus Warmiensis, oder, Regesten und Urkunden zur Geschichte ... Von Carl Peter Woelky, Johann Martin Saage, Historischer Verein für Ermland</a>

wg. Carl Peter Woelky, Johann Martin Saage, Historischer Verein für Ermland (wyd.): Codex diplomaticus Warmiensis, oder, Regesten und Urkunden zur Geschichte ... tom 3,